Tushi: Ka rënë numri i martesave, sot synimi kryesor i njerëzve nuk është familja

Sociologu Gëzim Tushi është shprehur se një nga faktorët  që kemi plakje të popullsisë në vendin tonë është ulja e numrit të martesave.

Në një intervistë për Euronews Albania, Tushi theksoi se sot familja nuk është synimi  kryesor i njeriut, dhe sipas tij para saj vijnë paraja dhe suksesi.

“Një nga faktorët që kemi plakje të popullsisë është emigracioni, familja moderne, emancipimi i femrës,  dhe ulja e numrit të martesave. Ne ende nuk jemi popullsia më e plakur e Europës, por çështja është se në këto 30 vjet ritmi i plakjes së popullsisë është i lartë dhe një nga arsyet është pakësimi i numrit të martesave, shtimi i numrit të divorceve, krijimi i konceptit të njeriut të vetëmjaftueshëm. Familja sot në shumë raste nuk është synimi kryesor i njeriut, është paraja është suksesi”-tha Tushi.

Më tej ai theksoi se: Nuk besoj se është faktori ekonomik i pari që sjellë në shtimin e numrit të divorceve, ka familje të varfra që funksionojnë. Familja shqiptare sot është e çekuilibruar  së brendshmi.

LEXONI GJITHASHTU: 

• Plakja e popullsisë mund të falimentojë skemën e pensioneve
• Ulja e lindjeve, ekspertët rekomandojnë zgjidhje si shmanget plakja e popullsisë
• Plakja e popullsisë dhe largimi i të rinjve, kriza e vazhdueshme e Ballkanit