U arrestua disa orë pasi u lirua nga amnistia, jepet masa e sigurisë për Isufin

Ardian Isufi, personi i cili u arrestua për vjedhjen e një automjeti, menjëherë pas lirimit nga amnistia, u njoh këtë të hënë me masën e sigurisë nga gjykata e Korcës.

Gjykata caktoi masën e sigurisë “arrest me burg”, duke e rikthyer sërish në qeli të riun.

Ka qënë prokuroria e Korçës ajo e cila ka kërkuar këtë masë për Isufin, masë e cila u pranua dhe nga ana e gjykatës.

Isufi u arrestua pak orë më vonë pasi kreu vjedhjen e automjetit në një nga fugonat e linjës “Korçë – Tiranë”, duke tentuar të largohej drejt kryeqytetit.

Kujtojmë se ai u lirua më datë 24 prill duke përfituar nga amnistia penale, ndërkohë që vetëm disa orë më pas vodhi  një automjet tip Ford në Korçë, për të rënë sërish në pranga.

LEXONI GJITHASHTU:

• Sapo u lirua nga amnistia, i riu nuk harron “zakonin”, vjedh makinën në Korçë
• U lirua një ditë më parë pasi përftoi nga amnistia, arrestohet sërish Sokol Sinomati