U arrestua pak ditë më parë, prokurorit Hasa i gjendet një shumë parash në banesë

Detaje të reja kanë dalë në dritë nga dosja e prokurorit të Sarandës, Sali Hasa.

Burime bëjnë me dije se gjatë kontrollit të banesës së prokurorit Hasa, është gjetur një shumë parash prej 11 milionë lekësh dhe 2 mijë euro.

Prokurori u la në burg disa ditë më parë, pasi SPAK dyshon se ai i mori një shumë parash shtetases Elsiona Papa, për të pushuar dosjen e vëllait të saj, Emiljan Mirjanit, i cili akuzohet për plagosje.

Referuar dosjes së prokurorisë, Papa është fotografuar në zyrën e prokurorit së bashku me Edison Korkutin, i cili u plagos nga vëllai i saj.

Sipas hetimeve, Papa ka ndikuar te prokurori për të pushuar hetimet për vëllain e saj që akuzohet për “plagosje me dashje” dhe “mbajtje të armëve të ftohta”.

LEXONI GJITHASHTU:

• KLP vendosi pezullimin nga detyra të prokurorit të Sarandës, Sali Hasa
• Korrupsion dhe trukim ndeshjesh, GJKKO lë në burg prokurorin e Sarandës dhe 4 të tjerë