U arrestua për 2 mijë euro ryshfet, lihet në burg prokurori Edmond Karriqi

Gjykata e Posaçme e Apelit kundër Korrupsionit dhe Krimit të Organizuar ka lënë në burg prokurorin e Kukësit, Edmond Karriqin, i cili tri javë më parë u arrestua me urdhër të SPAK për korrupsion.

Apeli i GjKKO-së këtë të hënë ka refuzuar kërkesën e drejtuesit të prokurorisë së qytetit verilindor duke e lënë atë pas hekurave të patën deri në përfundim të hetimeve.

Sipas SPAK, Karriqi u vu në pranga pasi në këmbim të 2 mijë eurove ndryshoi masën e sigurisë për një person të arrestuar për drogë, çështjen e të cilit kishte në hetim.

Së bashku me Karriqin, SPAK urdhëroi arrestimin edhe të shoferit të tij, Isuf Gega, dhe dy personave të tjerë.

Edmond Kariqi deri në vitin 2019 ka qenë prokuror pranë Prokurorisë së Kavajës, më pas ai është emëruar në Lushnje si prokuror ndërsa se fundmi është transferuar në Kukës ku është komanduar drejtues nga Këshilli i Lartë i Prokurorisë.

LEXONI GJITHASHTU:

• KLP pezullon nga detyra prokurorët Edmond Kariqi dhe Maksim Sota
• GJKKO lë në qeli prokurorin Edmond Kariqi dhe 3 të arrestuarit e tjerë
• Rovena Voda ra në ‘rrjetën’ e SPAK nga përgjimet e prokurorit të Kukësit