U gjet brenda një makine të djegur në Greqi, dyshime se trupi i përket një shqiptari

Autoritetet greke po vijojnë hetimet dhe punën për zbardhjen e identitetit të trupit të gjetur të premten brenda një makine të djegur në fshatin Skourta. Identiteti i trupit të burrit mbetet i panjohur duke ngritur alarm në ELAS.

Automjeti u gjet në një vend jashtëzakonisht të izoluar, i arritshëm vetëm nga një rrugë rurale në gjendje të keqe. Sipas burimeve policore, një burrë nga Shqipëria me profesion ndërtues, u raportua i zhdukur në zonë.

Sipas të njëjtave burime, ky burrë u largua nga Vilia dhe shkoi në Skourta, me makinën e tij. Hetimet kanë kaluar tek laboratorët e ELAS, të cilët pritet të marrin ADN-në nga të afërmit e burrit nga Shqipëria dhe nga trupi për të parë nëse janë identikë. Policia gjithashtu ka pikëpyetje edhe lidhur me makinën e cila ishte vjedhur nga zona e Glyfadës dhe kishte targa të falsifikuara.

LEXONI GJITHASHTU:

• Zjarr në një depo parfumesh, humbin jetën 6 persona në Turqi, dy të plagosur (VIDEO)
• Analiza: Balotazhi që mund të riformësojë hartën politike të Kosovës