Spotify ka fituar një çështje gjyqësore të gjatë, në të cilën akuzohej për transmetim të muzikës së Eminem pa leje.

Rasti në fjalë i pati fillesat në vitin 2019, ku menaxheri i Eminem paditi kompaninë muzikore për rreth 30 milionë paund, duke thënë se ai nuk kishte marrë kurrë pagesën e plotë për këngë si “Lose Yourself” dhe “Without Me”, të cilat janë transmetuar në Spotify miliarda herë.

Por një gjykatës në Tenesi ka vendosur që Spotify nuk do të jetë përgjegjës për asnjë honorar të humbur, pavarësisht se zbuloi se Spotify nuk kishte licensë për të transmetuar këngët.

Gjykata gjithashtu arriti në përfundimin se, nëse Spotify do të shpallej fajtor për shkelje të të drejtave të autorit, çdo ndëshkim do të duhej të paguhej nga “Kobalt Music Group”, i cili mblidhte honoraret në emër të botuesit të Eminem.

LEXONI GJITHASHTU:

• Eminem ndalon kandidatin për president të SHBA-së të këndojë këngët e tij
• Gjyqi ndaj Donald Trumpit do të fillojë në mars 2024