U rrëzua 1 minutë pas nisjes, momenti kur avioni me 242 pasagjerë shpërthen në flakë

Një Boeing 787 i Air India u rrëzua sot gjatë ngritjes në aeroportin e qytetit Ahmedabad në perëndim të Indisë në shtetin e Gujarat.

Aksidenti ndodhi 1 minutë pas ngritjes nga pista dhe deri më tani nuk ka informacione për viktima, raportuan kanalet televizive.

Faiz Ahmed Kidwai, shefi i drejtorisë së aviacionit civil të Indisë, i tha Associated Press se avioni u rrëzua në një zonë banimi të quajtur Meghani Nagar.

Në bord ndodheshin 242 persona, përfshirë dy pilotë dhe 10 anëtarë të ekuipazhit të kabinës, tha ai.

Pamjet që qarkullojnë në mediat sociale tregojnë ambulanca dhe një zjarr që shpërthen në sfond.

LEXONI GJITHASHTU:

• Rrëzohet avioni me mbi 200 persona në bord, shpërthen në tymë e flakë
• Avioni që transportonte presidentin e Liberisë pëson defekt gjatë uljes