U shkarkua nga detyra në 2019-ën, shtyhet sërish seanca për ish-kryetarin e Bashkisë së Vaut të Dejës

Shtyhet sërish seanca në Gjykatën Kushtetuese për çështjen e Zef Hilës, ish-kryetari i Bashkisë së Vaut të Dejës.

Ditën e sotme pritej të shqyrtohej shkarkimi nga detyra i Hilës, vendim ky që u mor nga kryeministri Edi Rama në vitin 2019.

Shtyrja e seancës së sotme ka ardhur me kërkesë të palës paditëse.

Shkarkimi nga detyra i Zef Hilës erdhi pas djegies së një qendre votimi në prag të zgjedhjeve lokale të vitit 2019 në Vaun e Dejës.

Ministri i Brendshëm i asaj kohe, Sandër Lleshaj ishte ai që dha lajmin i pari për shkarkimin.

Ndërsa kryeministri Edi Rama publikoi vendimin ku thuhej: “Shkarkim nga detyra për shkak të shkeljeve të rënda”.