U shkarkua për shkak të pasurisë, KPA rikthen në detyrë prokurorin Koça

Prokurori pran Prokurorisë së Përgjithshme, Arqile Koça i shkarkuar në shkallën e parë të vetingut, rikthehet në detyre nga Kolegji i Posaçëm i Apelimit.

Në vendimin e dhënë në shtator të vitit të kaluar, Komisioni i Pavarur i Kualifikimit arriti në përfundimin se, Koça kishte “bërë deklarime të pamjaftueshme për kriterin e kontrollit të pasurisë”, dhe si rrjedhim “nuk ka arritur nivel të besueshëm në vlerësimin e pasurisë”.

Por, duket se KPA ka mendim të ndryshëm duke bërë që të vendosë për rikthimin e tij në detyrë. Vendimi është marrë nga Ardian Hajdari kryesues, Sokol Çomo relator, Albana Shtylla, Natasha Mulaj, Rezarta Schuetz, anëtarë.

Vendimi i KPA që në shumicën e rasteve është unanim këtë herë është marrë me shumicë votash.

Ky është rasti i dytë kur Komisioni i Pavarur i Apelit ka rikthyer në detyrë një gjyqtar apo prokuror të larguar nga vetingut. Precedenti i parë ndodhi me Fuat Vjerdha, drejtues i Gjykatës së Apelit Shkodër.

Vendimi për kreun e Gjykatës së Apelit Shkodër u mor nga Komisioni i Pavarur i Kualifikimit në qershor të vitit të kaluar, me arsyetimin se, Vjerdha kishte cenuar besimin e publikut te Drejtësia.