U shkel hapësira ajrore e Lituanisë, mbyllet kufiri me Bjellorusinë

Lituania ka vendosur të mbyllë për një kohë të pacaktuar rrugët e saj kufitare me Bjellorusinë, pasi disa objekte, të identifikuara si balona me helium, hynë në hapësirën e saj ajrore, tha Qendra Kombëtare e Menaxhimit të Krizave, incidenti i tretë brenda kësaj jave.

Lituania ka thënë se balonat dërgohen nga kontrabandistë që transportojnë cigare të kontrabanduara, por fajëson gjithashtu Presidentin e Bjellorusisë, Alexander Lukashenko, një aleat i ngushtë i Presidentit rus Vladimir Putin, për mosndalimin e kësaj praktike.

Vendimi u mor për shkak se për të tretën natë radhazi, disa balona të dyshimta kanë shkelur hapësirën ajrore lituaneze.

Gjithashtu, për disa orë janë ndërprerë të gjitha operacionet në aeroportin ndërkombëtar, pasi këto balona u panë shumë pranë pistës. Ndërkohë, aeroporti i Vilniusit u mbyll të martën, të premten dhe të shtunën e kësaj jave.

LEXONI GJITHASHTU:

• Lituania thërret diplomatin rus, pas shkeljes së hapësirës ajrore nga 2 avionë
• Rrezik lufte në Lindje, Lituania përgatitet për evakuimin e 400 mijë banorëve