Uashingtoni: Putin ka premtuar të takohet me Zelenskyn

Sekretarja e shtypit e Shtëpisë së Bardhë, Karoline Leavitt, tha të martën se presidenti rus Vladimir Putin ka premtuar të zhvillojë bisedime me presidentin ukrainas Volodymyr Zelensky.

Leavitt u pyet nga një gazetar nëse Putini premtoi të kishte një takim të drejtpërdrejtë në javët e ardhshme.

“Ai e ka bërë, dhe unë sapo iu përgjigja kësaj pyetjeje për ju”, tha ajo gjatë një konference për shtyp.

Më parë, Leavitt kishte qenë shumë më pak e prerë nëse Putini kishte rënë dakord për takimin, ndryshe nga këtë here.

“Mund t’ju siguroj se qeveria e Shteteve të Bashkuara dhe administrata Trump po punojnë si me Rusinë ashtu edhe me Ukrainën për ta bërë të mundur këtë marrëveshje dypalëshe”, shtoi tha ajo.

LEXONI GJITHASHTU:

• Shtëpia e Bardhë: Mbështetja ajrore amerikane ndaj Ukrainës është ‘një opsion’
• Udhëheqësit ushtarakë të NATO-s do të takohen nesër për të diskutuar për Ukrainën