Ushtria e Ukrainës do të shpenzojë rreth 550 milionë dollarë për blerje dronësh në vitin 2023 dhe 16 marrëveshje furnizimi janë nënshkruar tashmë me prodhuesit ukrainas.
Kështu bëri të ditur ministri i Mbrojtjes i Ukrainës, Oleksii Reznikov, shkruan Reuters.
“Në vitin 2023, ne po rrisim prokurimin e UAV-ve për Forcat e Armatosura të Ukrainës. Ne planifikojmë të ndajmë rreth 20 miliardë hryvnia (547.05 milionë dollarë) për këtë”, theksoi ai.
Ukraina ka marrë furnizime të konsiderueshme të dronëve nga partnerët e saj, nga Bayraktar TB2 i pajisur me raketa të Turqisë deri te droni zbulues Black Hornet i prodhuar në Norvegji.
Ushtria e Ukrainës njoftoi javën e kaluar se do të fillonte krijimin e kompanive të dronëve sulmues brenda Forcave të saj të Armatosura; dhe Reznikov tha se Ministria e Mbrojtjes kishte marrë aplikime që propozonin 75 dronë të ndryshëm të prodhimit ukrainas.
LEXONI GJITHASHTU
- Biden zbulon nëse SHBA-të do t’i dërgojnë avionë luftarakë Ukrainës
- Irani kërkon shpjegim nga Ukraina lidhur me deklaratat për dronët
- Ukraina: Kemi rrëzuar shumicën e raketave dhe dronëve të lëshuar nga Rusia