Ukraina grurë për botën, Zelensky: Do t’i përmbushim detyrimet pavarësisht luftës

Presidenti ukrainas Volodymyr Zelensky i dha jetë iniciativës “Drithëra nga Ukraina”, misioni kryesor i të cilës do të jetë shpërndarja e ushqimeve në vendet e varfra të Afrikës.

Nisma u prezantua në Kiev, në prani të liderëve politikë nga Belgjika, Polonia, Lituania dhe Hungaria.

Zelensky tha se plani konsiston në dërgimin e të paktën 60 anijeve nga portet ukrainase, të paktën 10 në muaj, në vendet që rrezikojnë urinë dhe thatësirën.

“Ukraina do t’i përmbushë detyrimet e saj sa i takon furnizimit me drithëra dhe produkte të tjera bujqësore të tregut botëror. Ukraina po lufton për jetën tonë dhe për jetën e vendeve të tjera, në mënyrë që të shpëtojnë nga kriza e urisë”, tha Zelensky.

Zelensky shtoi se pret që të shpëtojë 5 milionë jetë në Etiopi, Sudan, Sudanin e Jugut, Somali, Jemen, Kongo, Kenia dhe Nigeri.

LEXONI GJITHASHTU:

• Ukraina dhe Rusia shkëmbejnë sërish të burgosurit
• Të strehuar në manastire, 6 milionë ukrainas pa energji