Ukraina ofron gatishmërinë për të kontribuar në hapjen e Ngushticës së Hormuzit: Nëse na ftojnë, do të ndihmojmë

Presidenti ukrainas Volodymyr Zelensky tha se Ukraina mund të kontribuojë në hapjen e rrugës detare nëse ftohet, duke përmendur përvojën e fituar nga mbajtja e hapur e rrugës së transportit detar në Detin e Zi nën sulmin e vazhdueshëm rus.

“Nëse na ftojnë, do të ndihmojmë. Ngushtica duhet të zhbllokohet”, tha Zelensky, pa dhënë hollësi.

Oferta e Kievit vjen në një kohë kur ky i fundit rriti bashkëpunimin me vendet e Gjirit, si Katari, Arabia Saudite dhe Emiratet e Bashkuara Arabe, duke u zhvendosur drejt një roli afatgjatë si partner sigurie. Ekipet ukrainase janë vendosur tashmë në rajon për të këshilluar mbi mbrojtjen ajrore, mbrojtjen e infrastrukturës dhe sigurinë detare.