Ukraina po heton 21 mijë krime të dyshuara lufte

Prokurorja e Përgjithshme e Ukrainës, Iryna Venediktova thotë se janë duke u hetuar 21 mijë krime të dyshuara lufte, kryer nga forcat ruse.

Në një intervistë për BBC, Venediktova u shpreh se merrte raporte për 200 deri në 300 krime lufte në ditë.

Ajo pranoi se shumë procese do të mbaheshin në mungesë, por theksoi se është çështje e drejtësisë që të vazhdojë me ndjekjet penale.

Venediktova paralajmëroi se ushtarët rusë që vranë, torturuan ose përdhunuan civilët ukrainas, duhet të kuptojnë se është vetëm një çështje kohe kur ata të gjithë do të përballen me drejtësinë.

Ushtari i parë rus i gjykuar në Ukrainë, Sgt Vadim Shishimarin u dënua me burgim të përjetshëm për vrasjen e një civili ukrainas.

LEXONI GJITHASHTU

• Macron e konsideron krim lufte sulmin në qendrën tregtare në Ukrainë