Uragani Ernesto, i cili ka forcën e një stuhie të kategorisë 2, po i afrohet Bermudës sot, ku do të sjellë reshje të dendura shiu dhe përmbytje të rrezikshme për jetën gjatë fundjavës.

Ernesto aktualisht ndodhet rreth 400 kilometra në jugperëndim të këtij territori britanik dhe nesër duhet të arrijë në Ishujt Bermuda, sipas Qendrës së Uraganeve të SHBA-së, sipas Reuters.

Priten gjithashtu valë të mëdha shkatërruese, paralajmëroi Qendra. Ishujt Bermuda janë një grup prej 181 ishujsh me rreth 65,000 banorë, dhe janë gjithashtu një destinacion popullor turistik.

Në fillim të kësaj jave, Ernesto goditi Porto Rikon si një stuhi tropikale, duke sjellë shi të dendur dhe përmbytje.

Rreth 1.5 milion njerëz mbetën pa energji elektrike, dhe 236,000 shtëpi dhe biznese janë ende pa energji elektrike sot.

LEXONI GJITHASHTU:

• Uragani Debby arrin në bregun e Floridës
• Të paktën 45 të vdekur dhe 47 të zhdukur pas uraganit “Otis” në Meksikë