Urbanisti Saimir Kristo deklaroi se nuk është kundër zhvillimit në kryeqytet, duke iu referuar ndërtimit të kullave shumëkatshëse.

Në një intervistë për Euronews Albania, Kristo u shpreh se është e nevojshme që bëhet normalizimi i ndërtimeve në Tiranë.

“Asnjë prej nesh nuk është kundër zhvillimit. Në çdo lloj zhvillimi, duke jetuar në një komunitet, në  një qytet, ne shohim interesin e përbashkët në lidhje me cilësinë ku ne jetojmë. Nuk ka ndonjë ndryshim në cilësinë e të ndërtuarit para 2019, nuk ka ndonjë zbatim të normave kur ne projektojmë sot”, theksoi ai.

Vlera e lejeve të ndërtimit të dhëna në Tiranë përgjatë dy viteve 2020 dhe 2021 arrin në rreth 800 milionë euro.

327 milionë euro është vlera e atyre të dhëna në 2020 dhe rreth 470 milionë euro e lejeve të dhëna në 2021.

600 milionë euro përllogaritet shuma e investimit për godina shumëkatëshe, si për banim ashtu edhe për hoteleri, qendra tregtare apo aktivitete të tjera biznesi.

LEXONI GJITHASHTU

• Inxhinieri Arben Meçe: Ka ende hapësirë në Tiranë për ndërtimin e kullave të tjera
• Rama: E pamundur të pastrohen para te kullat, janë të gjitha në lupë
• Milionat pas kullave, në 2 vjet mbi 600 mln euro vlera e lejeve të dhëna në Tiranë