“Vajza u martua para dy javësh”, flet nëna e Martinës që akuzohet për vrasje

Miranda Pajollari, mamaja e Martina Pajollarit, e cila është arrestuar si bashkëpunëtore në vrasjen e Martin Çeços, u shpreh se vajza e saj është e pafajshme.

Në një deklaratë për mediat, e ëma e Martinës theksoi se kjo e fundit së bashku me të tre të arrestuarit e tjerë janë  të pafajshëm, ndërsa u bëri thirrje autoriteteve që të lirohen nga burgu.

“I bëri ftesë ai çupa nuk ia pranoi, njëherë e dy ai dhe çupa nuk ia pranoi. Ajo nuk ka bërë gjë, na kërcënonin, na shantazhonin. Na kanë ardhur na kanë marrë në orën 12 të natës. Çupën e godisnin e rrihnin.

Jemi të pafajshëm, si ne dhe ata djemtë, mua më kanë rritur me bukë, më kanë ndihmuar. Janë shumë të pafajshëm si ata dhe çupa ime. E kanë marrë tre a katër herë dhe nuk e dinim ku është.

Unë jam me burrë të sëmurë, kam katër fëmijë, por e kanë marrë për keq. Kanë thënë se e ka të dashur,  Valter Mollajn, por ai e ka si çupë vajzën time. Dua të dalin nga burgu si ata dhe vajza ime”- tha ajo.

Mamaja e 18-vjeçares bëri me dije se vajza e saj ka vetëm 2 javë që është martuar.

“Na kanë rënë kot në qafë, janë të pafajshëm, vajza ime dhe të arrestuarit. Vajza është e martuar, e kam dhëndrin këtu. Dy javë ka çupa që është martuar- përfundoi Miranda Pajollari.

Gjykata e Korçës ka lënë në qeli Martina Pajollarin, e cila dyshohet të jetë bashkëpunëtore në vrasjen e Martin Çeços së bashku me tre të arrestuarit e tjerë.

Ajo mohoi të kishte lidhje me ngjarjen, ndërsa akuzoi policinë se e ka vënë në presion kur ka dhënë deklaratën para grupit të hetimit.

Avokati i dy të akuzuarve Valter dhe Edlir Mollaj, i pyetur nga Euronews Albania se a ka diçka të diktuar në deklaratat e dhëna deri më tani, është shprehur se ka dyshime se deklarata e Martina Pajollarit dhe Bleti Angjos janë të influencuara, pasi të dy kanë dhënë deklarata të ndryshme, dy herë të cilat ecin në një vijë, çka në gjykimin e tij si avokat do të thotë influencim.

LEXONI GJITHASHTU: 

• Vrasja e Martin Çeços, gjykata lë në qeli Martina Pajollarin
• ‘Tina i dërgonte foto varri djalit’, i ati i Martin Çeços tregon detajet tronditëse
• Detaje tronditëse, Martina mbante lidhje të dyfishtë, e pranishme në vrasjen e Çeços