Vaksinimi i farmacistëve, Diana Toma: Proces i vonuar, sot do të injektohen 50 persona

Kryetarja e Urdhrit të Farmacistëve, Diana Toma tregoi në Euronews Albania se në qendrat e vaksinimit të Tiranë janë dërguar 100 emra të farmacistëve për t’u vaksinuar dhe sot do të injektohen vetëm 50 prej tyre.

“Ky proces është i vonuar për këto kategori të bluzave të bardha. Kjo kategori nuk duhet të ishte ndarë nga kategoria e personelit shëndetësor”, u shpreh zonja Toma.

Ajo sqaroi më tej se në Korçë dhe Gjirokastër ka përfunduar procesi i parë i vaksinimit të farmacistëve, ndërsa në rajonet e tjera ka filluar, por nuk ka përfunduar.

Sipas zonjës Toma mbi 60% e farmacistëve kanë rezultuar pozitivë me COVID-19 dhe është një sektor i riskuar.

Lexoni gjithashtu:

Nis sot vaksinimi i farmacistëve në Tiranë, duhet të plotësojnë një formular