Vaksinohen mjekët në Kosovë, mbërrijnë mbi 4500 doza vaksinash nga Pfizer

Pas mbërritjes së 4680 dozave të vaksinave Pfizer kundër COVID-19, Kosova ka nisur këtë të mërkurë procesin e vaksinimit të bluzave të bardha. Një ditë më parë, Bashkimi Evropian shpërndau doza vaksinash për vendet e Ballkanit Perëndimor me qëllim imunizimin e popullatës.

Infektologu, Salih Ahmeti tha për Euronews Albania se ka një interes shumë të madh të mjekëve në Kosovë për të marrë dozat e vaksinës anti-COVID, teksa theksoi se për Pfizer ka një besueshmëri më të madhe.

Ahmeti pohoi se strategjia e përzgjedhjes për vaksinim të punonjësve të mjekësisë në Kosovë, është bërë duke i dhënë prioritet atyre që nuk e kanë kaluar më parë COVID-19.

“Ne tani po marrim dozën e parë. Ata që kanë marrë dozën e parë nuk janë duke u vaksinuar. Ne presim radhën meqenëse ata që kanë marrë dozën e parë me AstraZeneca kanë kohë ende duke qenë se duhet të kalojnë 12 javë që nga doza e parë, ndërsa tani do të marrin dozën e parë ata që nuk janë vaksinuar më parë,” – shpjegoi mjeku infektolog.

Salih Ahmeti u shpreh se priste të niste vaksinimi masiv jo vetëm i punonjësve të shëndetësisë por dhe kategorive të tjera, ndërkohë që tregoi se situata e pandemisë është nën kontroll.

LEXONI GJITHASHTU: 

• Sot rinis në Kosovë vaksinimi i punonjësve shëndetësorë
• ​Arrijnë në Kosovë rreth 5 mijë doza të vaksinave BionTech/Pfizer
• 75 raste të reja dhe 4 të vdekur nga COVID-19 në Kosovë