Vala e të nxehtit në Francë vazhdon, që nga mesi i qershorit 74 vdekje

28 Qershor 2026 | 08:17

Franca ka regjistruar 74 vdekje nga nbytja që nga 18 qershori, ndërsa vendi vazhdon të përballet me një valë të nxehti dhe temperatura jashtëzakonisht të larta që kanë tensionuar shërbimet e urgjencës dhe sistemin shëndetësor, tha Ministri i Brendshëm francez Laurent Nunez.

Ai i tha gazetës “Parisien” se shumica e mbytjeve ndodhën në zona të paorganizuara dhe të pasigurta për not, si lumenj, liqene dhe pellgje, ndërsa u regjistruan edhe raste në pishina private.

Núñez deklaroi gjithashtu se në rajonin Ile-de-France (rajoni i Parisit), u regjistrua një rritje e konsiderueshme e ndërhyrjeve të shërbimeve emergjente për shkak të problemeve shëndetësore që lidhen me nxehtësinë.

“Të dhënat e fundit tregojnë një rritje prej 122 përqind të numrit të ndërhyrjeve krahasuar me vitin 2025”, tha ai.

Ndërkohë, siç raportohet nga BFM TV, vala e të nxehtit në Francë po dobësohet ngadalë në perëndim të vendit, por temperaturat e larta vazhdojnë në disa rajone, ndërsa 37 departamente janë ende në nivelin më të lartë të paralajmërimit meteorologjik.

Për shkak të kushteve të pafavorshme të motit, një numër ngjarjesh u anuluan gjatë fundjavës për të ulur presionin mbi shërbimet e urgjencës dhe spitalet.

Sipas shërbimeve meteorologjike, gjatë ditës në Francë u vendosën ose u barazuan 202 rekorde temperaturash, dhe në disa vende temperaturat arritën vlera ekstreme, përfshirë 43.2 gradë Celsius në departamentin Meuse.

Home Kryefaqja
Shiko në: YouTube
Lajme të Sugjeruara

Ra në ujë, burri i ministres italiane Eugenia Roccella zhduket në një liqen pranë Romës

Burri i ministres italiane të çështjeve familjare, Eugenia Roccella është zhdukur në liqenin Vico, rreth 80 km në veriperëndim të Romës. Siç raportohet nga agjencia...
21:45 | 27/06/2026

Mijëra hungarezë i bashkohen marshimit të parë të Krenarisë në Budapest që nga humbja e Orbanit

Më shumë se 10,000 hungarezë iu bashkuan të shtunën marshimit të parë vjetor të Krenarisë në Budapest që nga humbja zgjedhore e udhëheqësit të krahut...
18:32 | 27/06/2026

Eksperti: Vuçiç për disa javë do japë dorëheqjen si president

Aktivisti Valon Arifi i ftuar këtë të shtunë në emisionin ‘Balkan Talks’ në Euronews Albania ka folur lidhur me mitingun që do të zhvillohet në...
18:20 | 27/06/2026