Vance për liderët evropianë: Privatisht janë të gatshëm të bëjnë lëshime, por publikisht sulmojnë SHBA-në

Zëvendëspresidenti i SHBA-së, J.D. Vance gjatë një interviste nisi një sulm të ri ndaj liderëve evropianëve. Duke folur me gazetaren Megyn Kelly të mërkurën ai u pyet  për qëndrimin e Evropës ndaj SHBA.

Vance qeshi dhe tha se evropianët privatisht janë shumë miqësorë dhe të gatshëm të bëjnë shumë lëshime, por pastaj e sulmojnë SHBA-në publikisht.

“Më vjen keq. Është e gjitha e rreme. Narrativa se ata nuk po bëjnë lëshime dhe kompromise ndaj
SHBA-së nuk është e vërtetë”, shtoi ai.

Ndwr tw tjera ai paralajmëroi se nëse Irani do të siguronte një armë bërthamore, kjo do të shkaktonte një garë të ngjashme armatimesh në të gjithë Lindjen e Mesme.

“Irani nuk mund të ketë armë bërthamore. Ky është qëllimi i deklaruar politik i presidentit të Shteteve të Bashkuara. Ajo që do të bëjë Presidenti Trump është t’i mbajë opsionet e tij të hapura. Ai do të flasë me të gjithë.

Ai do të përpiqet të arrijë atë që mundet me mjete jo-ushtarake. Nëse ai beson se ndërhyrja ushtarake është e vetmja mundësi, atëherë në fund të fundit ai do ta bëjë atë zgjedhje”, shtoi ai.