Vance: SHBA goditi ishullin Kharg të Iranit, nuk ka ndryshim në strategjinë ushtarake

Zëvendëspresidenti i SHBA-së, JD Vance, ka konfirmuar sulmet e SHBA-së në ishullin Kharg të Iranit, duke thënë se ato nuk kishin në shënjestër objektet e naftës dhe duke këmbëngulur se ato nuk përfaqësojnë një ndryshim në strategjinë amerikane.

“Ne do të godisnim disa objektiva ushtarake në ishullin Kharg dhe besoj se e kemi bërë këtë”, tha Vance.

“Ne nuk do të godasim objektivat e energjisë dhe infrastrukturës derisa iranianët të bëjnë një propozim që ne mund ta mbështesim, ose të mos bëjnë një propozim”, shtoi ai. Sipas tij nuk ka asnjë ndryshim në strategji.

Presidenti amerikan, Donald Trump këtë të marte ka paralajmëruar për një moment kritik në historinë botërore, duke iu referuar afatit që i ka dhënë Iranit për të rihapur Ngushticën e Hormuzit. Trump i dha Teheranit afat deri në mesnatë ndërsa u shpreh se “një qytetërim i tërë do të vdesë sonte, për të mos u rikthyer më kurrë”.