Pamje të xhiruara nga një kamera e vendosur në helmetë tregojnë një betejë të armatosur pranë Bakhmutit.

Brigada e tretë e ushtrisë ukrainase i publikoi ato, duke saktësuar se pamjet tregojnë njësitë e saj teksa kryejnë një sulm ndaj një brigade të ushtrisë ruse.

Në ditët e fundit, Ukraina ka deklaruar se ka bërë progres në zonat pranë qytetit strategjik, por marrja nën kontroll e territorit ka qenë e ngadaltë.

Nga ana tjetër, Rusia nuk i pranon avancimet ukrainase dhe ka nënvizuar se i ka shkaktuar humbje të mëdha Kievit në 24 orët e fundit.

Ndërkohë, presidenti Zelensky u ka shpërndarë medalje ushtarëve në rajonin e Donjeckut. Në rrugën e kthimit, ai ndaloi në një pikë karburanti dhe bëri foto me banorët.

Ndërsa Moska bëri të ditur se dy avionë luftarakë të saj kishin lokalizuar në ajër një avion zbulimi të Forcave Ajrore Mbretërore britanike, si dhe dy “Tajfunë” që kishin hyrë në hapësirën ajrore ruse në Detin e Zi.

LEXONI GJITHASHTU:

• Zelensky shprehet optimist për përparimin e kundërofensivës ukrainase
• Avancon ushtria ukrainase, trupat e Zelenskyt përfitojnë nga vakumi i “Wagner”