Tërmeti shkatërrimtar që goditi Turqinë shkaktoi më shumw se 2300 viktima. Mes atyre që humbën jetën rezulton dhe portieri i skuadrës së Yeni Malatyaspor. Bëhet fjalë për 28-vjeçarin Ahmet Eyup Turkaslan, i cili ndodhej në banesën e tij kur u regjistruan lëkundjet e tërmetit. Sipas mediave turke është bërë i mundur shpëtimi i bashkëshortes së tij, e cila është në gjendje të qëndrueshme shëndetësore.
Ndërkohë, në banesë mbeti i bllokuar futbollisti në fjalë, i cili deri më tani nuk është gjetur nga ekipet e kërkim-shpëtimit. Trajneri i skuadrës në fjalë, Yilmaz Vural pohoi për mediat se i kishte lënë lojtarëve dy ditë pushim pas ndeshjes ndaj Rizespor. Të gjithë lojtarët nuk ishin në Malatya, përveç Ahmetit, i cili qëndroi në banesën e tij.
Reagim në rrjetet sociale ka bërë dhe skuadra ku aktivizohej 28-vjeçari, e cila konfirmon zhdukjen e tij. Ndërkohë sipas asaj çka raportojnë mediat ndërkombëtare, i lënduar nga tërmeti ka mbetur dhe një tjetër futbollist i njohur. Kristjan Atsu, futbollisti i Hatayspor dyshohet se ka mbetur gjithashtu i bllokuar gjatë lëkundjeve të tërmetit, teksa aktualisht nuk dihet gjendja e tij shëndetësore.
LEXONI GJITHASHTU: