Veliaj thotë se Gjykata Kushtetuese i dha të drejtë bashkisë për shembjen e teatrit

Kryetari i Bashkisë Tiranë, Erion Veliaj, përmes një reagimi në “Twitter” komentoi vendimin e Gjykatës Kushtetuese, për shfuqizimin e aktit të qeverisë “për kalimin në pronësi të Bashkisë Tiranës të Teatrit Kombëtar”.

Kryebashkiaku e cilëson vendimin e Gjykatës në favor të Bashkisë, ndërsa tha se do të vijojë punën për të ndërtuar atë që z. Veliaj e quan “shtëpinë më të madhe e moderne të Teatrit në Ballkan”.

Tani te ecim perpara e te ndertojme shtepine me te madhe e moderne te Teatrit ne Ballkan, boll humbem kohe me histeri, si me cdo projekt te madh!

Gjykata Kushtetuese i jep të drejtë Bashkisë së Tiranës, lë në fuqi vendimin për prishjen e Teatrit Kombëtar https://t.co/ChSc3uqSft

— Erion Veliaj #EYC2022 🇪🇺🇦🇱 (@erionveliaj) July 2, 2021

Shprehja e Gjykatës Kushtetuese gjithashtu bën nul vendimin e Këshillit Kombëtar të Territorit të publikuar më 29 qershor, që i jepte leje Bashkisë së Tiranës për ndërtimin e Teatrit të ri Kombëtar, sipas projektit të arkitektit Bjarke Ingels.

Godina e Teatrit Kombëtar u shemb mes përplasjeve më 17 maj të vitit të kaluar pas një rezistence të gjatë të Aleancës për Mbrojtjen e Teatrit Kombëtar, të kundërshtonin prishjen e ndërtesës me argumentin se përbën trashëgimi kulturore.

LEXONI GJITHASHTU: 

• Gjykata Kushtetuese rrëzon vendimin e Qeverisë për Teatrin Kombëtar
• Teatri Kombëtar, Basha: Gjykata Kushtetuese foli, radhën e ka SPAK