Vendet evropiane shprehin interes për të blerë vaksinat AstraZeneca të Danimarkës

Një numër vendesh evropiane kanë shprehur interes për të blerë vaksinat e padëshiruara AstraZeneca nga Danimarka.

Të mërkurën, Danimarka u bë vendi i parë evropian që braktisi vaksinën COVID të AstraZeneca për shkak të një lidhjeje mes vaksinës dhe mpiksjes së gjakut.

Një ditë më vonë, Instituti i Shëndetit Publik të Norvegjisë gjithashtu rekomandoi kundër përdorimit të mëtejshëm të injektimit me këtë vaksinë.

Këto vendime ngrenë pikëpyetje mbi doza e tepërta të vaksinës AstraZeneca në të dy vendet, duke përfshirë 200,000 doza të raportuara në Danimarkë.

Të enjten, drejtori i Organizatës Botërore të Shëndetësisë (OBSH) për Evropën, Hans Kluge, tha se Danimarka po konsideronte ndarjen e dozave të papërdorura me vendet e varfëra.

“Unë e kuptoj që ministria e punëve të jashtme të Danimarkës është e gatshme, ose duke parë tashmë opsionet për ndarjen e vaksinave AstraZeneca me vendet e varfëra,”  tha Kluge një konference virtuale për shtyp.

Kluge shprehu “vlerësimin” e tij që Danimarka po ndiqte rekomandimet e OBSH-së për këtë çështje dhe tregoi simpati me vendimin për të pezulluar vaksinën e AstraZeneca.

Sidoqoftë, OBSH-ja ka përsëritur se injektimi është “i sigurt dhe efektiv” kundër COVID-19 dhe se rreziku i trombozës dhe mpiksjes së gjakut është “shumë më i lartë” nëse merrni virusin.

Ndërkohë, autoritetet daneze kanë thënë se “është e rëndësishme të theksohet se AstraZeneca është ende një vaksinë e aprovuar” dhe nuk përjashtoi përdorimin e saj në të ardhmen.

Lexoni gjithashtu:

Danimarka bëhet vendi i parë në Europë që braktis vaksinën AstraZeneca

Instituti i Shëndetit në Norvegji rekomandon ndalimin e përdorimit të “AstraZeneca”