Vendimet e Strasburgut, shteti shqiptar gjobitet për vonesat e çështjeve në gjykata

Një i dënuar për vrasje në Shqipëri ka fituar dëmshpërblim në Gjykatën e Strasburgut për vonesën e procedurave në gjykatat e vendit tonë.

Vendimi i Strasburgut thotë se për rastin e Eduard Kolës, i cili vuan dënimin për vrasje, Gjykata e Lartë në Shqipëri nuk ka ende një date për gjykimin e dosjes së tij.

Për vonesa të pajustifikuara në gjykata, Strasburgu i ka dhënë të drejtë dhe mjekut Petrit Bara. Për të dyja rastet shteti shqiptar do të paguajë rreth 6 mijë euro, si dhe procedurat e gjyqit.

Vendimi i Strasburgut thotë se pavarësisht reformës në drejtësi, gjykatat në Shqipëri kanë dështuar të japin vendimet në kohën e duhur.