Vendimi i Ministrisë së Brendshme të RMV bllokon në Qafë-Thanë punëtorët sezonalë nga Shqipëria

Dhjetëra punëtorë ditorë janë bllokuar në pikën e kalimit kufitar të Qafë-Thanës, që vijon e mbyllur prej ditës së djeshme nga pala maqedonase.

Ka qenë një vendim i institucioneve maqedonase të cilat në reagimin e tyre shprehen se u është ndaluar hyrja në RMV 42 shtetasve shqiptarë, pasi nuk zotëronin dokumentet e nevojshme për të arsyetuar qëndrimin në Maqedoninë e Veriut.

Gjithsesi, Euronews Albania ka zbuluar se arsyeja e kësaj mase drastike është për shkak se një shtetas shqiptar i cili ishte punonjës sezonal në Maqedoninë e Veriut, ka ndërruar jetë teksa ka qenë në punë. Punëtori ka qenë i pasiguruar nga punëdhënësi maqedonas, çka ka alarmuar edhe instancat vendase duke sjellë këtë vendim.

Janë rreth 200 punonjës sezonalë të përditshëm, kryesisht nga Juglindja që punojnë në shtetin fqinj.

LEXONI GJITHASHTU:

Identifikohet rasti i katërt me variantin ‘Delta’ në RMV