Vendimi për ekstradimin e Julian Assange në duart e qeverisë britanike

Beteja e Julian Assange kundër ekstradimit në SHBA tashmë ndodhet në duart e ministres së Brendshme të Britanisë së Madhe, për vendimin përfundimtar.

Në një seancë të zhvilluar të mërkurën, gjyqtari që mbikëqyr kërkesat për ekstradim autorizoi që çështja t’i dërgohet sekretares Priti Patel.

Themeluesi i Wikileaks pritet ta apelojë në Gjykatën e Lartë vendimin e saj në rast se shkon pro ekstradimit.

Assange kërkohet në Shtetet e Bashkuara për publikimin e dokumenteve qeveritare në periudhën 2010-2011.

Gjykata Supreme vendosi muajin e kaluar se rasti i Assange nuk ngre shqetësime sa i takon garancive që Uashingtoni i ka dhënë Londrës për trajtimin e tij.

Tani, ministrja Patel duhet të vendosë nëse kërkesa e palës amerikane përmbush kriteret e mbetura, përfshirë premtimin për të mos e ekzekutuar atë.

LEXONI GJITHASHTU:

• Themeluesi i WikiLeaks, Julian Assange martohet në burg