Vendosja e trupave greke në Qipro, Mitsotakis: Masë mbrojtëse dhe paqësore

Kryeministri grek, Kyriakos Mitsotakis ka deklaruar këtë të mërkurë se vendosja e trupave greke në Qipro është mbrojtëse dhe paqësore. Ai theskoi se qëllimi i vetëm është për të parandaluar veprime kërcënuese kundër ishullit mesdhetar mes përshkallëzimit të tensioneve në Lindjen e Mesme.

Mitsotakis theskoi se rajoni po përjeton ngjarje ushtarake në shkallë të gjerë dhe me intensitet të lartë me pasoja të paparashikueshme ekonomike”, duke vënë në dukje se harta gjeopolitike globale po ndryshon vazhdimisht.

Ai riafirmoi mbështetjen e Athinës për uljen e përshkallëzimit të konflikteve aktive dhe kthimin në diplomaci me respekt për të drejtën ndërkombëtare, duke theksuar rëndësinë e lirisë dhe sigurisë në korridoret ndërkombëtare të transportit detar.

Duke iu drejtuar Iranit, Mitsotakis tha se e ardhmja e vendit duhet të garantojë lirinë dhe vetëvendosjen për një popullsi që është përballur me dekada shtypjeje, duke siguruar njëkohësisht kontroll të rreptë mbi programet e saj bërthamore dhe balistike për të parandaluar kërcënimet e vazhdueshme ndaj paqes rajonale dhe globale.

Kryeministri përshkroi masat që Greqia ka ndërmarrë në përgjigje të krizës, duke përfshirë vendosjen e vendit në gatishmëri diplomatike dhe mbrojtëse, aktivizimin e Njësisë së Menaxhimit të Krizave, krijimin e kanaleve të shumta të komunikimit me shtetet përkatëse dhe krijimin e platformave për të lehtësuar riatdhesimin e qytetarëve.

Ai tha se një plan i posaçëm është gati për të lejuar një kthim të organizuar të grekëve sapo të krijohen kushtet.

Duke iu referuar vendosjes së dy fregatave dhe katër avionëve luftarakë F-16 nga Greqia në Qipro, Mitsotakis theksoi se vendi i tij është i pranishme kudo që e thërret detyra kombëtare.