“Venecia në listën e vendeve të trashëgimisë botërore në rrezik”, propozimi i UNESCO

Venecia duhet t’i shtohet listës së vendeve të trashëgimisë botërore në rrezik, ka thënë agjencia kulturore e OKB-së.

Qyteti ikonik italian është në rrezik të dëmtimit “të pakthyeshëm” nga turizmi dërrmues, mbizhvillimi dhe rritja e nivelit të detit për shkak të ndryshimeve klimatike, sipas një raporti nga Unesco.

Agjencia synon të inkurajojë ruajtjen më të mirë të sitit për të ardhmen.

Një zëdhënës i komunës së Venecias tha se ata do ta “lexojnë me kujdes” propozimin, raporton Reuters.

Ata shtuan se më pas do të diskutohet me qeverinë italiane.

Venecia njihet si “La Serenissima”, që përkthehet “shumë i qetë”, por ky pseudonim nuk i përshtatet më.

Raporti i UNESCO-s fajëson autoritetet italiane për “mungesë të vizionit strategjik” për të zgjidhur problemet me të cilat përballet një nga qytetet më piktoreske të Italisë.

Është një goditje për autoritetet, të cilët akuzohen se nuk mbrojnë qytetin historik dhe lagunën përreth. Por një nga ish-kryetarët e bashkive të Venecias ka akuzuar agjencinë ndërkombëtare të trashëgimisë si “një nga trupat më të shtrenjtë dhe më të padobishëm në faqen e dheut”.

Massimo Cacciari tha se UNESCO kalon “gjykim pa njohuri” dhe “jap opinione majtas dhe djathtas, të cilat do të bënim më të mirën t’i shpërfillim”.

“Ata nuk na japin asnjë fond për të bërë ndryshime, gjithçka që bëjnë është kritika… Sikur Venecias të kishte nevojë që Unesco të ishte një vend i trashëgimisë botërore! Ne kemi nevojë për më shumë veprime dhe më pak fjalë.”

Futja e Venecias në listën e vendeve të rrezikuara ishte propozuar nga Unesco dy vite më parë, por u shmang në momentin e fundit për shkak të disa masave emergjente të miratuara nga qeveria italiane.

Në veçanti, një nga ato masa ishte vendimi për ndalimin e anijeve të mëdha – të tilla si anijet e lundrimit në Kanalin San Marco, si dhe premtimi për të nisur një plan ambicioz të ruajtjes së qytetit.

Ndalimi i anijeve të mëdha po zbatohet edhe pse UNESCO thotë se duhet të shtrihet edhe në modelet e tjera të varkave që janë shumë ndotëse.

Por plani për të shpëtuar Venecia nuk u zbatua kurrë dhe ka mbetur një mirazh.

Rreth 28 milionë turistë vizitojnë Venedikun çdo vit. Kjo çon në gjithnjë e më shumë projekte të zgjerimit urban, i cili nga ana tjetër e dëmton qytetin, sipas Unesco.

Ndër të tjera, UNESCO beson se ndërtesat e larta mund të “kanë një ndikim negativ vizual” në qytet dhe ato duhet të ndërtohen larg qendrës së qytetit.

Venecia konsiderohet një perlë e padiskutueshme nga italianët.

Përveçse i është vënë një pseudonim për qetësinë e tij, ai njihet si “qyteti i dashurisë”, “la domitante” (mbizotëruesi) dhe “mbretëresha e Adriatikut”.

LEXONI GJITHASHTU:

• Jep dorëheqjen zv.ministrja e Arsimit në Kosovë: Do t’i kthehem punës akademike
• Ukraina pajtohet me Kroacinë për përdorimin e porteve për eksportin e drithërave