Vërtetim vaksinimi ose test negativ, kushtet për udhëtuar drejt Malit të Zi

Duke filluar nga 14 shtatori të gjithë qytetarët e huaj që duan të udhëtojnë drejt Malit të Zi duhet të plotësojnë një nga kushtet e mëposhtme, njofton Ministria për Evropën dhe Punët e Jashtme.

Kushtet për të udhëtuar drejt Malit të Zi janë:

• Një vërtetim që kanë kaluar 14 ditë nga rivaksinimi, për vaksinat që jepen me dy doza, ose kanë kaluar 14 ditë nga vaksinimi për vaksinat që jepen me një dozë;
• Një test PCR negativ Covid-19 jo më të vjetër se 72 orë, ose testin pozitiv PCR nga i cili kanë kaluar të paktën 14 ditë, por jo më shumë se 180 ditë;
• Test negativ antigjen, jo më të vjetër se 48 orë;

Qytetarët e Malit të Zi dhe shtetasit e huaj me qëndrim të përkohshëm në Mal të Zi, të cilët nuk plotësojnë asnjë nga kushtet e mësipërme, duhet të karantinohen.

Izolimi mund të ndërpritet pas një testi PCR negativ, pas ditës së gjashtë nga kalimi i kufirit.

Personat nën moshën 18 vjeç (shtetas malazezë, apo të huaj) nuk i nënshtrohen këtyre rregullave.

LEXONI GJITHASHTU:

• “Rama mund të blejë Bashën, por jo PD-në”, Berisha pritet me ovacione para Kuvendit
• Basha shoqërohet me thirrje pro Berishës: Armiku i vetëm, Edi Rama