Vetingu në drejtësi, ambasada e SHBA: Po e monitorojmë me vëzhguesit tanë

Ambasada e Shteteve të Bashkuara të Amerikës në vendin tonë, në kuadër të reformës në drejtësi, përsërit kërkesën që procesi i vetingut të vazhdojë me profesionalizëm dhe përkushtim.

Në një postim në Facebook të ambasadës amerikane në vendin tonë, bëhet me dije se SHBA është duke e monitoruar procesin përmes vëzhguesve të vet, për t’u siguruar që të respektohet ligji në çdo rast.

“Shtetet e Bashkuara janë angazhuar që të shohin procesin e vetingut në Shqipëri të vazhdojë me profesionalizëm dhe përkushtim. Me dy vendet tona në bordin e ONM-së – një për Departamentin e Shtetit & një për Departamentin e Drejtësisë – për monitorimin e procesit të vetingut dhe nëpërmjet vëzhguesit tonë ndërkombëtar, ne sigurohemi që organet e vetingut të respektojnë ligjin”, thuhet në postimin e publikuar nga ambasada e SHBA në Facebook.

Apeli i ambasadores së SHBA ka qenë i vazhdueshëm, dhe pothuajse në çdo deklaratë publike ka ftuar palët të punojnë për ringritjen e Gjykatës Kushtetuese dhe Gjykatës së Lartë.

Lexoni gjithashtu:

“Mos u dorëzoni”, apeli i ambasadores Yuri Kim: Shqipëria të vazhdojë reformën në drejtësi