Vetingu në drejtësi, shkarkohet gjyqtarja e Apelit në Korçë, pjesë e trupës ku u procedua Margjeka

Komisioni i Pavarur i Kualifikimit (KPK) vendosi të shkarkojë nga detyra Etleva Temon, gjyqtare e Apelit të Korçës.

Temo kishte probleme me disa prej pasurive. Ndërkohë probleme u shfaqën edhe me konfliktin e interesit, pasi rezultoi se ajo ka pasur kontakte me disa persona që ajo ka gjykuar. Temo ka qenë pjesë e trupës gjykuese në të cilën u proceduar Mimoza Margjeka.

Për Etleva Temon, SPAK nuk ka arritur të sigurojë prova nëse ka qenë ose jo e përfshirë në përfitime të kundërligjshme.

Apeli i Korçës vijon të mbetet në mungesë të theksuar gjyqtarësh, për momentin ka ngelur vetëm një gjyqtar, Olsi Xhavellën. Edhe ky i fundit ka qenë pjesë e trupës ku u procedua Margjeka.

Çështjet po shqyrtohem me gjyqtarë të komanduar nga KLGJ.

Gjykatat e Apelit janë të radhës që ngelin në ngërçe për shkak të shkarkimeve të vetingut.