VIDEO| Ekipi i Kosovës shpëton 3-vjeçaren në Turqi pas 8 ditësh nën rrënoja

Shoqata e Kosovës për Kërkim dhe Shpëtim ka bërë me dije se mbrëmjen e së martës është nxjerrë nga rrënojat një 3-vjeçare në Turqi.

Pavarësisht se ka kaluar kohë e gjatë që nga tërmetet, ekipet e shpëtimit ende po nxjerrin persona të gjallë nga rrënojat e ndërtesave të shembura.

Pjesëtarët e FSK-së deri më tani kanë arritur të shpëtojnë katër persona, që kishin qenë të bllokuar nën rrënojat e ndërtesave të shembura në Turqi.

Pas tërmeteve prej 7.8 ballësh dhe 7.5 ballësh – që u përcollën edhe me goditje të tjera të fuqishme – në Turqi mbi 70 shtete nga e mbarë bota kanë dërguar ekipe të kërkim-shpëtimit.