VIDEO l Shembet me 130 kg eksploziv pallati 14-katësh në Durrës

Inspektorati Kombëtar i Mbrojtjes së Territorit ka shembur të shtunën pasdite, me shpërthim të kontrolluar, një objekt (pallat) 14-katësh në Durrës. Pallati u spostua gjatë tërmetit të nëntorit të kaluar dhe nga ekspertët u klasifikua i pabanueshëm.

Në trupin e objektit u hapën 5 mijë furnela (vrima) për realizimin e shpërthimit dhe do të përdoren 130 kilogramë lëndë eksplozive.

Shpërthimi i fortë përveç panikut tek qytetarët, ka ngritur dhe një re të madhe pluhuri dhe tymi që mbuloi një perimetër të gjerë rreth pallatit të shembur.

Vetëm pak ditë më parë, për dobësimin e strukturës së këtij pallati, IKMT kreu shpërthime të brendshme. Deri tani vetëm në Durrës, janë prishur rreth 100 objekte të dëmtuara nga tërmeti.