VIDEO/ Me thirrjet “Allahu Akbar”, pasagjeri kërcënon për bombë në avion

28 Korrik 2025 | 09:27

Një incident serioz ndodhi gjatë fluturimit easyJet 609, që ishte nisur nga Lutoni drejt Belfastit, por u detyrua të bënte një ulje emergjente në Aeroportin e Glasgow për shkak të një kërcënimi për bombë.

Një pasagjer pretendoi se kishte një bombë në bord, duke bërtitur “Allahu Akbar” ndërsa përmendi edhe emrin e presidentit amerikan Donald Trump, i cili ndodhej të dielën në Skoci për një vizitë jozyrtare.

Ishin dy burra që po udhëtonin në të njëjtin avion që ndërhynë menjëherë, duke e neutralizuar personin dhe duke e mbajtur të shtrirë në dysheme.

Forcat e sigurisë morën kontrollin e situatës sapo avioni preku tokën në Glasgow.

Policia e Skocisë konfirmoi më pas se nuk u gjet asnjë lëndë shpërthyese në bord dhe se personi i ndaluar ka vepruar i vetëm.

Motivi i veprimeve të tij mbetet i paqartë, ndërsa autoritetet kanë nisur hetimet për të sqaruar rrethanat dhe gjendjen e tij mendore.

Fluturimi u anulua dhe pasagjerët u riakomoduan në udhëtime të tjera. Incidenti ndodhi në një moment të rritur kujdesi për sigurinë në Skoci, për shkak të pranisë së ish-presidentit Trump në vend.

Home Kryefaqja
Shiko në: YouTube
Lajme të Sugjeruara

Kompania spanjolle anulon 320 shërbime me trena, mijëra udhëtarë në vështirësi për shkak të një greve

Java ka nisur me vështirësi për mijëra udhëtarë në Spanjë, pasi kompania hekurudhore Renfe ka anuluar 320 shërbime hekurudhore këtë të hënë, më 29 qershor,...
11:00 | 29/06/2026

Komisionerët evropianë do vizitojnë Turqinë përpara samitit të NATO-s

Shefja e politikës së jashtme të BE-së, Kaja Kallas, së bashku me Komisioneren Evropiane për Zgjerim, Marta Kos, dhe Komisionerin Evropian për Punë të Brendshme...
10:42 | 29/06/2026

Kina ofron imazhe satelitore Venezuelës nga tërmeti, do ndihmojë me 14.7 milionë dollarësh

Kina ka premtuar ndihmë emergjente me vlerë 100 milionë juanë (rreth 14.7 milionë dollarë) për të mbështetur reagimin e Venezuelës ndaj një tërmeti shkatërrues, ndërkohë...
10:39 | 29/06/2026