VIDEO/ Një nga pikturat më të famshme në botë vandalizohet nga dy adoleshente

Situata e tensionuar në Mbretërinë e Bashkuar ka kulmuar ditën e sotme, kur dy vajza të reja kanë hedhur një kanaçe supë me domate në një nga pikturat më të  famshme të Van Gogh ‘Lulet e Diellit’ që ndodhet në Galerinë Kombëtare të Londrës.

Protestuesit e ‘Just Stop Oil’ / ‘Thjesht Stop Naftës’ njihen si një grup aktivistësh që mbrojnë ambientin dhe bëjnë thirrje kundër aktiviteteve njerëzore që mund të ndikojnë në ndryshimin e klimës.

Pak pas orës 11:00 ditën e stome, përpara se të bënin këtë akt vandal, dy aktivistet thuhet se hoqën xhaketat e tyre për të zbuluar bluzat me mbishkrimin ‘Just Stop Oil’.

“Çfarë vlen më shumë, arti apo jeta? Arti apo planeti? ” tha Phoebe Plummer, një nga aktivistët, 21 vjeç, nga Londra.

Ajo shoqërohej nga 20-vjeçarja Anna Holland, nga Newcastle. “A vlen më shumë se ushqimi? Më shumë se drejtësia?”

“Jeni më shumë të shqetësuar për mbrojtjen e një pikture apo për mbrojtjen e planetit dhe njerëzve tanë? Kriza e kostos së jetesës është pjesë e kostos së krizës së naftës, karburanti është i papërballueshëm për miliona familje që kanë ftohtë dhe janë të uritura. Ata nuk mund të përballojnë as të ngrohin një tenxhere supë.” – shtuan ato.

Two protestors from Just Stop Oil have thrown Heinz tomato soup over Van Gogh’s 1888 masterpiece Sunflowers at the National Gallery in London. pic.twitter.com/Q9x5CSVIqK

— Euronews Culture (@euronewsculture) October 14, 2022

Stafi i Galerisë Kombëtare kanë pastruar shpejt dhomën dhe vajzat janë arrestuar menjëherë nga policia londineze.

Gjatë dy javëve të fundit, grupi ka organizuar protesta duke u ulur në rrugët e Londrës qendrore, duke zemëruar shoferët dhe udhëtarët, por veprimi i së premtes duket se i ka përshkallëzuar taktikave e tyre.

Kalimtarët në Galerinë Kombëtare kanë mbetur të shtangur. Disa prej tyre e kanë kuptuar kauzën e tyre, ndërsa të tjerë nuk e kanë pranuar dot që një vepër e këtij kalibri për historinë e artit të shkatërrohet, edhe në emër të një kauze të tillë.

LEXONI GJITHASHTU: 

• Mona Liza sulmohet nga një “grua e moshuar”
• Serbët vandalizojnë flamurin shqiptar në rrugët e Beogradit
• Vandalizohet përkujtimorja e heroit kombëtar Bajram Curri