Disa qindra oficerë policie kanë hyrë në Universitetin e Kalifornisë, në Los Anxheles, duke u bërë thirrje protestuesve pro-palestinezë që të shpërndahen, në të kundërt do të përballen me arrestime.
Në disa zona, oficerët kanë ndërhyrë mes protestuesve, duke shkaktuar edhe përleshje të përmasave të vogla.
Autoritetet universitare e shpallën ngritjen e kampit të protestuesve një lëvizje të paligjshme dhe kërkuan ndërhyrjen e uniformave blu.
Nga të dhënat e fundit rezulton se në kampusin e universitetit mund të dëgjohen protestues që bëjnë zhurmë dhe përpiqen të përforcojnë barrikadat e tyre.
Ata thërrasin në korr parulla të tipit “Largohuni nga kampusi ynë” dhe shumë prej tyre kanë qëndruar me krahët e kryqëzuar përpara agjentëve.
Megjithatë, të tjerë protestues kanë mbajtur në duar postera me shenjën e paqes dhe me atë të zemrës.
Gjithashtu ka pasur edhe nga ata që kanë bërë thirrje për “protestë paqësore”, “rezistencë me çdo kusht” dhe “në cilën anë të historisë doni që të qëndroni”.
LEXONI GJITHASHTU: