E ftuar në Super Bowl, Rihanna ka konfirmuar shtatzëninë e saj të dytë përmes një performance elektrizuese solo pas 7 vitesh mungesë në skenë.

Këngëtarja u pyet më herët në një intervistë nëse mund të zbulonte ndonjë surprizë nga shfaqja e saj dhe u shpreh se mund të sillte dikë. Ndërsa të gjithë menduan për ndonjë koleg me të cilin ka bashkëpunuar, Rihanna e kishte fjalën për një bebush që po rritet brenda saj.

E veshur me një jumpsuit flakë të kuq nga firma Loewe, këngëtarja qëndronte në një platformë që herë pas here ulej dhe ngrihej lart mbi ekipin e kërcimtarëve të veshur me të bardha.

Rihanna gjeti mundësinë të reklamonte me finesë edhe produktet e saj të kozmetikës Fenty, duke rregulluar make-up-in e saj në mes të performancës.

LEXONI GJITHASHTU:

• Rikthehet Rihanna në Super Bowl: Jam nervoze
• Rikthehet Rihanna pas 5 vitesh mungesë, artistja merr pjesë në Super Bowl