VIDEO/ Tërmeti 6.2 ballë në Stamboll, qytetarët lënë shtëpitë dhe zyrat të tronditur

Qindra qytetarë kanë dalë në rrugë të tronditur dhe me lot në sy pas tërmetit me magnitudë 6.2 ballë që goditi paraditen e sotme Stambollin.

Pas tërmetit, qytetarët u mblodhën në parqe dhe zona të hapura. Deri tani, nuk ka raporte për të lënduar apo dëme materiale. Qendra Gjermane Kërkimore për Gjeoshkencat (GFZ) ka raportuar se tërmeti kishte një thellësi prej 10 km.

Sipas të dhënave nga Presidenca e Menaxhimit të Fatkeqësive dhe Emergjencave (AFAD), tërmeti me magnitudë 6.2 ballë, epiqendra e të cilit ishte në detin Marmara dhe lagjen Silivri të Stambollit, është ndjerë në Stamboll dhe në provincat përreth.

Presidenca e Menaxhimit të Fatkeqësive dhe Emergjencave të Turqisë ka njoftuar se kanë ndodhur disa tërmete në Stamboll gjatë ditës së mërkurë.

I pari kishte magnitudën 3.0 dhe goditi bregdetin e rrethit Silivri në orën 12:13. Tërmeti i dytë, me magnitudë 6.2, goditi të njëjtën zonë në orën 12:49, ndërsa tërmeti i tretë, me magnitudë 4.4, goditi lagjen Büyükçekmece në orën 12:51.

🇹🇷 TURQUIE : Un tremblement de terre de magnitude 6.2 vient de secouer #Istanbul. (@QUSAY_NOOR_) pic.twitter.com/99KzetS66A

— Infos Françaises (@InfosFrancaises) April 23, 2025

Tronditet Stambolli, tërmet 6.2 ballë! Qytetarët vërshojnë në rrugë pic.twitter.com/kh2mD5Po2R

— Euronews Albania (@EuronewsAlbania) April 23, 2025

LEXONI GJITHASHTU:

• “Kishte një gjëmim të thellë e më pas panik”, 3 tërmete të tjera godasin Stambollin
• Një tërmet me fuqi 6,2 ballë godet Stambollin, njerëzit dalin në rrugë