Tifozët kuqezi kanë vërshuar rrugëve të kryeqytetit duke shprehur mbështetjen për Kombëtaren që do të luajë sot ndeshjen e fundit të grupeve të Nations League mbrëmjen e sotme përballë Islandës, në orën 20:45 në “Air Albania”.
Edhe pse reshjet e shiut ishin intensive mbrëmjen e së martën në kryeqytet, kjo nuk i ka penguar tifozët të mbushin rrugët duke brohoritur për Kombëtaren.
Policia e Tiranës ka hartuar një plan masash për ruajtjen e rendit dhe sigurisë, para, gjatë dhe pas zhvillimit të ndeshjes së futbollit midis Shqipërisë dhe Islandës, që do zhvillohet mbrëmjen e së martës, në orën 20:45, në stadiumin “Air Albania”.
Në këtë kuadër do të ketë bllokime të disa segmenteve rrugore gjatë momentit të kalimit të tifozëve, nga ora 18:00 deri në përfundim të aktivitetit, konkretisht: Rruga “Lek Dukagjini”, përreth stadiumit, rruga “Dervish Hima”, rruga “Gjergj Filipi”, rruga “Papa Gjon Pali II”, nga kryqëzimi me rrugën “Ismail Qemali” deri tek stadiumi “Air Albania” dhe bulevardi “Dëshmorët e Kombit”, nga Presidenca deri te sheshi “Nënë Tereza”.
LEXONI GJITHASHTU: