VIDEO/ Vijon përmbytja në Durrës, gardianët shkojnë në punë me gomone

Edhe këtë të mërkurë, gjendja e motit në Durrës vijon të jetë kritike. Situata vërehet veçanërisht në paraburgimin e qytetit, ku gjendja që nga dita e djeshme ka mbetur e pandryshuar. Pjesa më e madhe e qelive në katin e parë është e mbushur me ujë, dhe një pjesë e të burgosurve është transferuar në katin e dytë të godinës, mes tyre edhe ish-funksionarë të njohur publik.

Ajo që bie në sy sot është se hyrja në paraburgim nga gardianët dhe përfaqësues të tjerë të institucionit bëhet me mjete alternative, të detyruara nga kushtet e përmbytjes. Në pamjet e siguruara nga Euronews Albania shihet se gardianët hyjnë në ambientet e paraburgimit me gomone.