Vijon vaksinimi kundër COVID-19, mbi 360 mjekë dhe infermierë kanë marrë dozën e parë në “Air Albania”

Mbi 360 mjekë dhe infermierë kanë injektuar dozën e parë të vaksinës Pfizer kundër COVID-19 në qendrën e Vaksinimit “Air Albania”.

Ministrja e Shëndetësisë, Ogerta Manastirliu ka njoftuar vijimin e vaksinimit për stafin mjekësor, të cilët punojnë në spitalet COVID, ndërsa tha se tashmë ata janë më të mbrojtur nga virusi.

Edhe ditën e sotme procesi i vaksinimit do të vijojë, ndërsa ende nuk është bërë me dije se kur vaksinimi do aplikohet tek grupmoshat e treta.

Sakaq brenda muajit janar, Ministria e Shëndetësisë ka bërë me dije se do mbërrijnë në Shqipëri mbi 10 mijë dozat e para të parashikuara sipas kontratës me Pfizer.

Lexoni gjithashtu:

Ditë e gjashtë e vaksinimit, 308 mjekë dhe infermierë u injektohet doza e parë