Vijon vala e bombardimeve, 5 viktima në 24 orët e fundit në Ukrainë

Sulmet e reja ruse në Ukrainë vranë të paktën 5 persona ditën e shtunë, teksa autoritetet po përpiqeshin të rikthenin sa më parë energjinë elektrike.

Shumica e viktimave u regjistruan në rajonin qendror DNIPRO-PETROVSK, me 4 të vdekur dhe 15 të plagosur. Ndërsa viktima tjetër u regjistrua në Kherson.

Pala ruse konfirmoi sulmet ndaj infrastrukturës energjetike, ndërsa presidenti Zelensky deklaroi se po punohet për riparimin e dëmeve.

“Të dashur ukrainas, ju uroj shëndet. Gjëja më e çmuar sot është energjia. Gjatë ditës ishte e mundur të rikthenim elektricitetin për 6 milionë ukrainas. Puna për riparimin e dëmeve vazhdon pa ndërprerje që prej sulmeve terroriste të së premtes”- është shprehur Volodymyr Zelensky, president i Ukrainës.

Në qytetin Kriviv Rih, një vajzë e vogël u shpëtua nga rrënojat e një pallati të shkatërruar nga bombardimet.

Ndërsa në vijën e frontit, luftimet vazhduan me trupat ukrainase që qëlluan me artileri të rëndë ndaj atyre ruse.

LEXONI GJITHASHTU: 

• Kurti për Der Spiegel: Situata në veri të Kosovës u krijua nga paniku i Beogradit
• Vinte baste sportive nëpërmjet celularit, në pranga 19-vjeçari në Durrës
• ‘Fordi’ humb kontrollin e del nga rruga, plagoset 29-vjeçari