Viktima dhe të humbur nga zjarri masiv në Spanjë, shkatërrohen dy godina në Valencia

Një zjarr që ra të enjten mbrëma në një zonë të banuar të Valencias ka vrarë të paktën 4 persona, ndërsa 19 të tjerë konsiderohen të zhdukur. Gjithashtu janë 13 të lënduar, 6 prej të cilëve zjarrfikës.

Shkaqet e zjarrit duhet ende të zbardhen, por shumë ekspertë besojnë se përhapja me shpejtësi e flakëve erdhi si pasojë e materialeve që ndodheshin në godina.

 “Gjëja më kurioze është se si fasada u dogj. Materiali i fasadës u bë shkak për rënien e zjarrit”

 “U duk sikur zjarri nuk do të ishte i këtyre përmasave. Dukej sikur do të ishte diçka e shpejtë dhe jo kaq katastrofike”.

Zjarri ra në një godinë 14-katëshe dhe u përhap në një ndërtesë tjetër ngjitur, në rrethinat e Valencias. Disa banorë dolën në ballkone dhe u shpëtuan nga zjarrfikësit.