Viktor Zhusti: Komedia “Profesionisti”, nje teatër dhome me vetëm 4 aktorë

Aktori Viktor Zhusti ka folur në lidhje me komedinë “Profesionisti”, e cila është shfaqur së fundmi për publikun.

Në një intervistë për Euronews Albania, Zhusti u shpreh se kjo komedi është trajtuar si një teatër dhome.

Zhusti shtoi se në këtë komedi ka vetëm 4 personazhe, 2 prej të cilëve personazhe kryesore dhe 2 të tjerët sekondarë.

“Vepra është trajtuar si një teatër dhome. Duke qenë se është një vepër e mbledhur, e ngushtë, me 4 personazhe, nga të cilët 2 janë kryesorë dhe 2 janë sekondarë, edhe regjia e ka trajtuar po kështu, si një teatër dhome, si një bashkëbisedim midis dy njerëzve që kanë probleme të kundërta me njëri-tjetrin.

Pa ditur që një nyje e brendshme, një nyje e para historisë së tyre i ka lidhur ngushtësisht dhe janë bërë siamezë me njëri-tjetrin. Drama, në trajtimin e bërë, i shpëton të gjitha llojeve të moralizimeve”, theksoi ai.