Virozat dhe COVID te fëmijët, mjekja pediatre: Rreth 40 raste në ditë

Edhe fëmijët janë prekur nga virozat e stinës si dhe nga covid 19. Megjithatë mjekët thonë se kulmi i rasteve ka kaluar.

Në një intervistë për “Euronews Albania”, mjekja pediatre Besjana Hoxha tha se në muajt qershor dhe korrik, në qëndrat shëndetësore ka pasur rreth 40 raste në ditë, të fëmijëve që kërkonin trajtim.

Ajo u bën thirrje prindërve të tregojnë kujdes dhe me ekspozimin në diell.

“Po shohim një rënie të numrit të vizitave me simptomatologji dhe patologji të COVID-it. Kjo vjen edhe si pasojë edhe e ndërgjegjësimit, si nga ana jonë , si nga ana e prindërve për të qenë të kujdesshëm, gjatë ditëve që fëmijët janë pozitivë me COVID. Çdo gjë ka ndryshuar, po flasim për një situatë më të lehtë, për simptoma më të lehtë.

Në fundin e qershorit dhe fillimin e korrikut ne patëm një rritje goxha të konsiderueshme të rasteve që paraqiteshin pranë nesh, kishim mbi 30, 40 raste në ditë. Paraqiteshin pothuajse me të njëjtat simptoma, temperatura, dhimbje fyti dhe kollë e thatë”, theksoi ajo.

LEXONI GJITHASHTU

• 3 viktima nga COVID-19 në Shqipëri, mbi 9 mijë raste aktive