Virozat e stinës, fluks në qendra shëndetësore/ Simptomat: temperaturë dhe rrufë

Me ndryshimin e temperaturave numri i pacientëve që i drejtohen Qendrave Shëndetësore dhe urgjencës pediatrike është rritur.

“Numri i vizitave ka rritje. Mund të shkoj deri 35 apo edhe 40 vizita në ditë”- tha mjekja pediatre Sonila Brati.

Virozat tipike të kësaj stine janë infeksione të rrugëve të sipërme të frymëmarrjes dhe temperaturë e lartë tek fëmijët.

“Temperatura shumë të larta tek fëmijët që shkojnë 39-40 dhe pa asnjë lloj simptomatike tjetër që në fakt shkojnë ditë të zgjatura. Janë infeksione të rrugëve të sipërme respiratore që janë më të shpeshta që kanë qenë thuajse gjithë periudhën e verës. Ka një rikthim të konjuktiviteve apo që njihet ndryshe si gripi i syrit që është bërë më evident ditët e fundit”- shtoi ajo.

Prindërit duhet të tregohen më të kujdesshëm gjatë kësaj periudhe.

“Kujdesi i vetëm duhet të jetë për temperaturën e lartë. Duhet të tregojnë kujdes përsa i përket grumbullimeve nëpër ambiente të mbyllura. Ushqyerja që rekomandojmë ne janë gjërat e bëra në shpi, jo të blera jashtë, frutat, zarzavatet, dhënia e sa më tepër lëngjeve”- theksoi mjekja.

Kujdes duhet treguar edhe sa i përket veshjes, për shkak se temperaturat luhaten në mënyrë të vazhdueshme.

LEXONI GJITHASHTU: 

• Virozat dhe COVID te fëmijët, mjekja pediatre: Rreth 40 raste në ditë
• Humbi 29 mln dollarë në lojërat e fatit, burri në Nju York padit kazinonë